Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 607 Hüküm no: 1201 Orijinal metin no: [117a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed ve kardeşi Yusuf Çelebi’nin, tarlanın tasarruf hakkını Ahmed Bey b. Abdullah’a sattıkları Üsküdar mahallâtından Evliyâ mahallesinden Ahmed Çelebi b. Budak ve birâderi Yusuf Çelebi mahfil-i kazâda Dergâh-ı âlî kapıcılarından Ahmed Bey b. Abdullah mahzarında ikrâr eder ki Karaağaç kurbunda vâki‘ bir tarafı Hamza Usta ve bir tarafı Yava Ali ve bir tarafı tarîk-i âm ve bir tarafı vâdi ile mahdûd olan bir kıt‘a tarlamızın hakk-ı tasarrufunu sâhib-i arz ma‘rifetiyle mezbûra tefvîz edip ve mukābele-i tefvîzde on bin akçeye alıp kabz eyledik deyicek mukırrân-ı mezbûrânın kelâmını mukarrun lehü’l-mezbûr vicâhen tasdîk edip gıbbe’t-taleb kayd-ı sicil olundu. Şuhûdü’l-hâl: Süleyman b. Hayran, Hasan b. Kayaş, Mehmed b. Behrâm, Ömer b. Seyyid Hızır, el-Hâc Mustafa b. Hasan, Bâli b. Kurd Çelebi, Kâtibu’l-hurûf Mustafa ve gayruhüm