Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 613 Hüküm no: 1218 Orijinal metin no: [119a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Şaban’ın, tarlasının tasarruf hakkını Pantazi v. Senadinos’a sattığı Karye-i Bulgurlu sâkinlerinden Mehmed b. Şaban nâm kimesne mahfil-i kazâda bâ‘isü’s-sicil karye-i Kadı sükkânından Pantazi v. Senadinos nâm zimmî mahzarında ikrâr ve takrîr-i merâm edip karye-i Kadı sınırında vâki‘ hudûdunun bir tarafı Hacı Gürün mutasarrıf olduğu tarlaya ve taraf-ı âharı Mahmud b. Müezzin Hasan tarlasına ve tarafeyni tarîk-i âmma müntehî iki müdlük tarlanın tasarrufun sâhib-i arz ma‘rifetiyle mezbûr Pantazi’ye tefvîz edip mukābele-i tefvîz beş bin akçesin aldım ba‘de’l-yevm keyfe mâ yeşâ mutasarrıf ola dedikde mukırr-ı mezbûru vech-i meşrûh üzre ikrârında mukarrun lehü’l-merkūm vicâhen tasdîk edip mâ vaka‘a gıbbe’t-taleb kayd olundu. Şuhûdü’l-hâl: Hasan b. Mustafa, Safer b. Mustafa, Hüseyin b. Abdullah, Memi b. Abdullah, Ali b. Mahmud, Ahmed Sofu, Mehmed b. Celil, Mehmed b. Behrâm ve gayruhüm.