Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 614 Hüküm no: 1221 Orijinal metin no: [119b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Borcu sebebiyle Galata zindanında ölen Derikos’un borcunun ödendiği (…) olan Sinan Bey b. Abdullah mahzarında ikrâr ve takrîr-i merâm edip bundan akdem mahrûse-i Üsküdar muzâfâtından Kadı nâm karyeden olup kesret-i deyni için Galata zindanında mahbûs iken mürd olan Derikos nâm zimmînin zimmetinde vasîsi olduğum mezkûre Hatice’nin yirmi üç bin yedi yüz akçe hakkı olup meblağ-ı mezbûrdan sekiz bin beş yüz akçesini mezbûr Sinan Bey mürd-i merkūmun karye-i mezbûrda vâki‘ bağını alıp zikr olunan bağ bahâsından mezbûr Sinan Bey’den sekiz bin beş yüz akçeyi salyâne-i şer‘î eylemişler idi el-hâletü hâzihî mezbûrun sekiz bin beş yüz akçeyi vesâyetim hasebiyle mezbûr Sinan Bey yedinden alıp kabz eyledim dedikde mukırr-ı mezbûru mukırrûn lehü’l-merkūm vicâhen tasdîk edip mâ vaka‘a bi’t-taleb kayd olundu. Şuhûdü’l-hâl: Ali Çelebi b. Mahmud, Maksud Çelebi b. Murad, Attâr Mehmed b. Mustafa, Hüseyin Bey b. Cafer, Hasan b. Sâdık, Mustafa b. Mehmed, Muttalib b. Süleyman, Mehmed b. Habîb, Mehmed b. Behrâm ve gayruhüm