Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 642 Hüküm no: 1286 Orijinal metin no: [125a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kaçak kölelerin sahibine teslim edilmesi Budur ki Hâlâ kapudan paşa hazretleri olan kıdvetü’l-vezîrü’l-izâm Sinan Paşa hazretleri cânib-i a‘lâlarından ve vekîl-i şer‘-i olan Kilercibaşı Veli Ağa mahfil-i kazâda karye-i Kadı’dan zâbiti Mustafa Subaşı mahzarında da‘vâ edip mezbûrun yedinde olan mezbûrân Rıdvan ve Ferhad müşârunileyhin kulu olup mülkünden ibâk etmişdir dedikde gıbbe’s-suâl ve akībe’l-inkâr udûlden Kemal Bey b. Sinan ve Rıdvan Ağa Aşçıbaşı edâ-yı şehâdet edip fi’l-hakīka mezbûrân kullar müşârunileyhin mülkü olup mülkünden ibâk etmişdir dediklerinde ba‘de ri‘âyet-i şerâiti’l-kabûl hayyiz-i kabûlde vâki‘ olup mâ vaka‘a kayd olundu. Şuhûdü’l-hâl: es-Sâbikūn