Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 648 Hüküm no: 1304 Orijinal metin no: [126b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdullah Paşa Vakfı şartının dışında medrese adına berât ibrazının engellenmesi Akzâ kuzâti’l-müslimîn evlâ vülâti’l-muvahhidîn ma‘denü’l-fazli ve’l-yakīn huccetü’l-hakkı ale’l-halki ecma‘în vârisü ulûmi’l-enbiyâ’i ve’l-mürselîn el-muhtas bi mezîdi inâyeti’l-meliki’l-mu‘în mevlânâ Üsküdar kadısı -zîdet fezâiluhû- tevkî‘-i refî‘-i hümâyûn vâsıl olıcak ma‘lûm ola ki kazâ-i mezbûrede vâki‘ merhûm Abdullah Paşa evkāfı mütevellîsi Südde-i sa‘âdetime gelip evkāf-ı mezbûrenin müsâ‘adesi yoğiken ba‘zı kimesneler medrese nâmına hilâf-ı şart-ı vâkıf berât ibrâz edip vazîfe taleb etmekle vakfa küllî müzâyaka verdiklerin bildirip şart-ı vâkıf mûcebince amel olunmak bâbında emr-i şerîfim ricâ etmeğin buyurdum ki şart-ı vâkıfla amel olunup hilâfına cevâz göstermeyesiz şöyle bilesiz alâmet-i şerîfe i‘timâd kılasız. Tahrîren fî evâsıtı şehri Recebi’l-mürecceb sene semân ve tis‘în ve tis‘a-mi’e. Be-makām-ı Kostantıniyye m