Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 649 Hüküm no: 1305 Orijinal metin no: [127a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdullah Ağa Vakfı gelirlerinin üçte birinin evlâd-ı utekadan mütevellî olanlara verilmesi Nişân-ı şerîf-i âlîşân budur ki İstanbul’da ve Üsküdar’da ve Galata’da evkāfı olan merhûm Abdullah Ağa’nın Üsküdar’a tâbi‘ Kısıklı ve İstavroz ve Kuzguncuk ve Galata’ya tâbi‘ Hâdım Korusu nâm vakıf karyelerinin hudûdu içinde ve mahrûse-i İstanbul’da vâki‘ olup bostan ve bahçe ve mezâri’inin sülüsân mahsûlünü utekāsından ve evlâd-ı utekāsından mütevellî olanlara vakfiyesinde meşrûh olup hâlâ evlâd-ı utekādan mütevellî olan işbu râfi‘-i tevkî‘-i refî‘-i hâkānî Mustafa b. İsmail nâm kimesneye meşrût-ı vâkıf üzre zikr olunan mahsûlün sülüsânı tevcîh olunmak ricâsına arz olunmağın sadaka edip ve bu berât-ı hümâyûn-ı verdim ve buyurdum ki varıp meşrût-ı vâkıf üzre mütevellî olup hizmet-i lâzımesin edâ eyledikden sonra meşrût-ı vâkıf üzre ta‘yîn olunan sülüsân mahsûle mutasarrıf olup vâkıfın rûhu ve benim devâm-ı devletim için du‘âya müdâvemet göstere ol bâbda hiç ahad mâni‘ ve dâfi‘ olmaya şöyle bileler alâmet-i şerîfe i‘timâd kılalar. Tahrîren fi’s-sâdis Muharremi’l-harâm sene ihdâ ve elf. Be-makām-ı Kostantıniyye m. Kitâbü’l-es‘âr