Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 50 Hüküm no: 9 Orijinal metin no: [3b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma bt. Abdullah’ın boşandığı eşi Ahmed’den alacaklarını tahsil ettiği Medîne-i Üsküdar’da Mirâhur mahallesi sâkinlerinden olup zâtı İsmail Ağa b. ( ) [ve] Mustafa Çelebi b. Abdullah nâm kimesneler ta‘rîfleriyle mu‘arrefe olan Fâtıma bt. Abdullah nâm hatun meclis-i şer‘-i hatîrde zevc-i sâbıkı gāib ani’l-beled Bostânî es-Seyyid Ahmed b. Abdullah b. Abdülmennan tarafından ber-vech-i âti vekîl olduğu Mustafa Ağa b. Veys ve diğer Mustafa Çelebi b. Ahmed nâm kimesneler şehâdetleriyle şer‘an sâbit olan Mehmed Ağa b. Abdullah nâm kimesne mahzarında ikrâr ve takrîr-i kelâm edip zevcim gāib-i mezbûr es-Seyyid Ahmed beni bâyinen tatlîk etmekle mezbûrun zimmetinde mütekarrir ve ma‘kūdun-aleyh olan iki bin akçe mehr-i müeccelim ile nafaka-i iddet-i ma‘lûmem ve me’ûnet-i süknâm için dahi beş yüz akçe ki cem‘an iki bin beş yüz akçeyi vekîl-i mezbûr Mehmed Ağa yedinden tamâmen ahz u kabz eyledim dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sâmin ve’l-ışrîn min-şehri Recebi’l-ferd li-seneti hamsîn ve mi’ete ve elf. Şuhûdü’l-hâl: İbrahim Bey b. Yusuf Paşa, İsmail Ağa b. Ali, Mustafa Çelebi b. Abdullah, Mustafa Ağa b. Veys, el-Hâc Mehmed b. Hüseyin, Veli Bey b. Mehmed, Hasan Bey [b.] Ramazan, Veli Bey b. Mehmed, Mehmed Bey b. Bekir? ve gayruhum.