Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 66 Hüküm no: 32 Orijinal metin no: [10b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın eşi Ahmed’den muhâlaa yoluyla boşandığı Medîne-i Üsküdar’da Debbâğlar mahallesinde sâkine ve zâtı Ahmed b. Mehmed [ve] Hasan Çelebi b. Ramazan nâm kimesneler ta‘rîfleriyle mu‘arrefe olan Âişe bt. Osman nâm hatun meclis-i şer‘-i hatîrde zevc-i dâhili işbu rafi‘ü’l-vesîka Ahmed b. Halil nâm kimesne mahzarında bi-tav‘ihâ ikrâr ve takrîr-i kelâm edip zevcim mezbûr Ahmed ile beynimizde hüsn-i mu‘âşeretimiz olmamağla ben hul‘a tâlibe olduğum ecilden zimmetin[de] mütekarrir ve ma‘kūdün-aleyh olan bin akçe mehr-i müeccelimden fâriğa olup nafaka-i iddet-i ma‘lûmem ve me’ûnet-i süknâm dahi kendi üzerime olmak üzere zevcim mezbûr Ahmed ile <> muhâla‘a-i sahîha-i şer‘iyye ile muhâla‘a olduğumda ol dahi ber-vech-i muharrer hul‘ı ba‘de’l-kabûl hukūk-ı zevciyete müte‘allıka âmme-i de‘âvî ve kâffe-i mutâlebâtdan her birimiz âharın zimmetini ibrâ ve iskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Min-Şa‘bân li-seneti hamsîn ve mi’ete ve elf. Şuhûdü’l-hâl: İsa Bey b. Musa, Veli Bey b. Mehmed, Hasan Bey b. Ramazan, Mustafa Bey b. Halil.