Üsküdar Mahkemesi 396 Numaralı Sicil (H. 1150-1151 / M. 1737-1738) cilt: 68, sayfa: 67 Hüküm no: 34 Orijinal metin no: [10b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Bey’in İbrahim’den aldığı borca karşılık bahçesini rehin gösterdiği Medîne-i Üsküdar[da] Turbâli mahallesi sâkinlerinden olup Halil Bey b. Abdullah nâm kimesne meclis-i şer‘-i şerîf-i enverde işbu sâhibü’l-vesîka es-Seyyid el-Hâc İbrahim Çelebi b. Hasan nâm kimesne tarafından ber-vech-i âtî tasdîka vekîl olan el-Hâc Hüseyin b. Mahmud nâm kimesneler mahzarında ikrâr ve takrîr-i kelâm edip yedimde mülküm olup mahalle-i mezbûrede vâki‘ bir tarafdan Kürkçü Hasan bahçesi ve bir tarafdan Çadırcı İbrahim mülkü ve iki tarafdan tarîk-i âm ile mahdûd büyût-ı adîdeyi [11a] müştemil bir bâb mülk menzilimi müvekkil-i mezbûr es-Seyyid el-Hâc İbrahim Çelebi yedinden istikrâz ve kendi mesârifime sarfla istihlâk eylediğim elli bir guruş deynim mukābelesinde vaz‘-ı yed-i rehin eylediğimde ol dahi ber-vech-i muharrer irtihân ve kabûl eyledi dedikde gıbbe’t-tasdîkı’ş-şer‘î mâ hüve’l-vâki‘ bi’t-taleb ketb olundu. Fi’l-yevmi’s-sânî ışrîn min-Şa‘bâni’l-mu‘azzam li-seneti hamsîn ve mi’ete ve elf. Şuhûdü’l-hâl: Haleblioğlu Ömer b. ( ), Süleyman Çelebi b. ( ) Gürcüoğlu Ali, Sakā Hüseyin b. ( ), Veli Bey b. Mehmed ve Hasan Bey b. Ramazan.