Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 655 Hüküm no: 1050 Orijinal metin no: [85b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manuk v. Vartam’ın hibe ettiği bağdaki hissesini geri almasının mümkün olmadığı Ma‘rûz; Medîne-i Üsküdar’da Yenimahalle’de mütemekkin Manuk v. Vartam nâm zimmî mahfil-i bâbda meclis-i şer‘-i hatîrde şahsı mu‘arrefe Takohi bt. Kapril nâm Nasrâniye muvâcehesinde medîne-i mezbûre hâricinde Halîfe Deresi nâm mahâlde vâki‘ ma‘lûmü’l-hudûd bir kıt‘a kürûmu mülk bağ dört sehm i‘tibârıyla üç sehmi benim ve birer sehmi merkūme Takohi Nasrâniye’nin mülkü olmağla bundan akdem ben bağ-ı mahdûd-ı mezkûrda olan üç sehm hisse-i şayi‘amı merkūme Takohi Nasrâniye’ye doksan guruşa bey‘ u temlik eylediğimde ol dahi iştirâ ve kabûl edip bağ-ı mezkûrun mecmû‘u merkūme Takohi Nasrâniye’nin mülkü olup lâkin semen-i merkūm doksan guruşu merkūme Takohi Nasrâniye’ye hîn-i bey‘de hibe ve temlik etmiş idim hâlâ hibe-i mezkûreme nâdim olmamla rücû‘ edip semen-i merkūm doksan guruşu taleb ederim deyü takrîri üzere hibe-i mezkûre sahîha olup rücû‘ da‘vâsı meşrû‘a olmadığı bi’l-iltimâs huzûr-ı âlîlerine i‘lâm olundu. Fî 19 min-R sene 1206