Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 657 Hüküm no: 1054 Orijinal metin no: [86b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hanım’ın borcunu ödemeyi taahhüd ettiği Ma‘rûz; Medîne-i Üsküdar’da Davudpaşa mahallesi sükkânından Şarlıoğlu Kara Mustafa b. Osman nâm kimesne medîne-i mezbûrede mahfil-i bâbda meclis-i şer‘-i hatîrde mu‘arrefetü’z-zât Hadice bt. Abdullah nâm hatun mahzarında mezbûre Hadice Hatun bin iki yüz beş senesi Zilka‘detü’ş-şerîfe’sinin on beşinci günü târihiyle müverrah işbu yedime i‘tâ eylediği temessük mantûkunca yedimden istidâne ve kabz ve kendi umûruna sarfla istihlâk eylediği yirmi altı guruş hakkım mezbûre Hadice Hatun zimmetinde kalmağla hâlâ taleb ederim deyü da‘vâ ol dahi cevâbında meblağ-ı merkūm yirmi altı guruş müdde‘î-i mezbûra deyni olduğunu ikrâr ü i‘tirâf ve işbu târih-i i‘lâm şehrinin yirminci günü müdde‘î-i mezbûr Mustafa’ya edâya ta‘ahhüd ve bu vechile kat‘-ı münâza‘a eyledikleri tescîl ve bi’l-iltimâs huzûr-ı âlîlerine i‘lâm olundu. Fî-gurrei Ca sene 1206