Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 658 Hüküm no: 1055 Orijinal metin no: [86b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma ve Saliha hanımların Rus asıllı Edayi isimli cariyeyi teslim etmeleri Ma‘rûz; Medîne-i Üsküdar’da Bulgurlu mahallesinde sâkine mu‘arrefetü’z-zât Şerife Âişe bt. Abdullah nâm hatun medîne-i mezbûrede mahfil-i bâbda meclis-i şer‘-i hatîrde zikri âtî câriyeye fuzûlî vâzı‘ı’l-yed olan kezâlik zâtları mu‘arrefe Fatıma bt. İbrahim ve Saliha bt. İbrahim mahzarlarında mezbûretân Fatıma ve Saliha mahalle-i mezbûrede câr-ı mülâsıkı olduklarına binâen işbu meclis-i şer‘de hâzıra Rusiyyetü’l-asl Müslimetü’l-mille Edayi nâm câriye yedimde mülküm iken mezbûretân ıdlâl ve tahrîk ve fuzûlî menzillerinde iskân ve istihdâm etmeleriyle suâl olunup câriye-i merkūmeden keff-i yed ve bana teslîme tenbîh olunmak matlûbumdur deyü da‘vâ onlar dahi cevâblarında câriye-i mezkûre müdde‘iye-i mezbûrenin mülkü olup ber-vech-i muharrer menzillerinde istihdâmlarını her biri ikrâr ü i‘tirâf etmeğin mûcebiyle câriye-i mezkûreyi mâlikesi müdde‘iye-i mezbûreye teslîme mezbûretân Fatıma ve Saliha hatunlardan her birine tenbîh olunduğu bi’l-iltimâs huzûr-ı âlîlerine i‘lâm olundu. Fî 3 min-Ca sene 1206