Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 659 Hüküm no: 1057 Orijinal metin no: [86b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hanım’ın kendisiyle evlenme ümidiyle Ali b. Mehmed’e kıymetli eşya verdiği yolundaki iddiasını ispatlayamadığı Ma‘rûz; Medîne-i Üsküdar’da Solaksinan mahallesinde sâkine mu‘arrefetü’z-zât Âişe bt. Osman medîne-i mezbûrede mahfil-i bâbda meclis-i şer‘-i hatîrde Ali b. Mehmed mahzarında târih-i i‘lâmdan yedi ay mukaddem mezbûr Ali beni tezvîc etmek murâd eyledikde ben dahi tezevvüc eder me’mûlüyle emlâkimden mecmû‘-ı kıymetleri otuz dokuz buçuk guruşa bâliğ iki duhân kesesi ve dört münakkaş çevre ve bir mercanlı nusha ve iki değirmi yemenimi yedine def‘ ü teslîm etmiş idim lâkin mezbûr Ali beni tezevvücden fâriğ olmağla zikr olunan eşyânın mevcûd ise a‘yânını müstehleke ise kıymet-i mezkûrelerini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādire olamayıp talebiyle mezbûr Ali gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda mezbûr Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 4 min-Cumadelûlâ sene 1206