Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 662 Hüküm no: 1064 Orijinal metin no: [87b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lağımcı Mehmed ile Ahmed’in aralarındaki alacak verecek davasında sulh oldukları Ma‘rûz; Lâğımcı tâifesinden Mehmed b. Ali medîne-i Üsküdar’da mahfil-i bâbda meclis-i şer‘-i hatîrde Ahmed b. Mehmed mahzarında mezbûr Ahmed târih-i i‘lâmdan bir sene mukaddem yedimden istidâne ve kabz ve umûruna sarfla istihlâk eylediği on beş buçuk guruş zimmetinde hakkım olmağla taleb ederim deyü eylediği da‘vâsından bâ-tavassut-ı muslihîn sekiz guruş bedel mukābelesinde mezbûr Ahmed ile sulh olup ziyâde müdde‘âsı olan yedi buçuk guruşa ve bi’l-cümle husûs-ı mezkûra müte‘allika âmme-i de‘âvîden mezbûr Ahmed’in zimmetini ibrâ ve ıskāt ol dahi ber-minvâl-i muharrer ibrâsını kabûl ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 6 min-Ca sene 1206