Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 664 Hüküm no: 1067 Orijinal metin no: [87b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma Hanım’ın Mehmed b. Ali ve eşi Rahime’nin evinden kıymetli eşyalarını çaldıkları yolundaki iddiasını ispatlayamadığı Ma‘rûz; Medîne-i Üsküdar’da Toygar Hamza mahallesinde sâkine mu‘arrefetü’z-zât Fatıma bt. Ömer nâm hatun medîne-i mezbûrede mahfil-i bâbda meclis-i şer‘-i hatîrde müsteciri es-Seyyid el-Hâc Mehmed b. Ali ve zâtı mu‘arrefe Rahime bt. Abdullah nâm zevcân mahzarlarında zevcân-ı mezbûrân târih-i i‘lâm gecesi sâkine olduğum odada sandığım derûnunda mevcûd mecmû‘-ı kıymetleri on beşer guruşa bâliğ iki çârşeb ve bir entari ve bir çuka cebe ve bir gömlek ve bir donumu ahz etmeleriyle mevcûd ise a‘yânını ve müstehleke ise kıymet-i mezkûresini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân ve isbâta kādir[e] olamayıp talebiyle zevcân-ı mezbûrân gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda zevcân-ı mezbûrân es-Seyyid el-Hâc Mehmed ve Rahime Hatun’a bilâ-beyyine mu‘ârazadan men‘ olundukları [olunduğu] bi’l-iltimâs huzûr-ı âlîlerine i‘lâm olundu. Fî 13 min-Ca sene 1206