Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 664 Hüküm no: 1068 Orijinal metin no: [87b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yolsuzoğlu Hasan ile Abdülbaki ve İbrahim isimli şahıslar arasındaki husumetin sona erdiği Ma‘rûz; Medîne-i Üsküdar’a muzâfe Şile nâhiyesine tâbi‘ Kurfallı karyesi sükkânından Yunusoğlu Hasan b. Salih nâm kimesne medîne-i mezbûrede meclis-i şer‘-i hatîrde yine nâhiye-i mezbûreye tâbi‘ Gökmaslı karyesi sükkânından Abdülbâki b. el-Hâc Mustafa ve İbrahim b. Mehmed nâm kimesne mahzarında karyemiz sâkinelerinden Bayramoğlu Mehmed’in sulbiye kızı Hadice nâm bikr-i bâliğa gāib ani’l-meclis oğlum Mehmed’in namzedlisi olup bu esnâda akd-i nikâh murâd eylediğimizde mezbûrân Abdülbâki ve İbrahim bî-vech müdâhale ve İsmail nâm kimesneye tezvîc etdiririz deyü avk u tehîr olunmağla müdâhaleleri men‘ u def‘ olunmak matlûbumdur deyü teşekkî etmiş idim lâkin mezbûrânın müdâhaleleri olmadığı ma‘lûmum olmağla eylediğim teşekkîden fâriğ olup fî-mâ ba‘d mezbûrân Abdülbâki ve İbrahim ile husûs-ı mezkûra ve sâire müte‘allika kat‘a da‘vâ ve husûmetim kalmadı deyü mezbûr Hasan’ın takrîrini mezbûrân Abdülbâki ve İbrahim’den her biri tasdîk ve bu vechile beynleri tevfîk olunduğu bi’l-iltimâs huzûr-ı âlîlerine i‘lâm olundu. Fî 15 min-Ca sene 1206