Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 665 Hüküm no: 1069 Orijinal metin no: [87b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Armağan v. Ohannes’e küfreden Kiryako’ya tazir cezası verildiği Ma‘rûz; Medîne-i Üsküdar’da Yenimahalle’de mütemekkin eskici tâifesinden Armağan v. Ohannes nâm zimmî medîne-i mezbûrede mahfil-i bâbda meclis-i şer‘-i hatîrde Kiryako v. Nikola nâm zimmî muvâcehesinde târih-i i‘lâm günü merkūm Kiryako zimmî ile mahmiye-i İslâmbol’dan Üsküdar’a gelirken kayıkda refîk olmamla merkūm Kiryako zimmî bana mûcib-i ta‘zîr olur elfâz-ı kabîha ile bi’l-muvâcehe şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını Karabet v. Mihal ve Serkiz v. Karabet nâm zimmîler şehâdetleriyle muvâcehesinde isbât etmeğin mûcebiyle merkūm Kiryako zimmî[ye] şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 12 min-Ca sene 1206