Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 667 Hüküm no: 1072 Orijinal metin no: [88a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Ahmed’in boşadığı eşinin nafaka ve mehrini ödemesi Ma‘rûz; Medîne-i Üsküdar’da Bulgurlu mahallesinde sâkine mu‘arrefetü’z-zât Emine bt. Süleyman nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı Ali b. Ahmed nâm kimesne mahzarında ben mezbûr Ali’nin yirmi guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan yedi gün mukaddem beni tatlîk etmekle zimmetinde mütekarrir mehr-i müeccel-i merkūm yirmi guruş ile nafaka-i iddet-i ma‘lûmem ve meûnet-i süknâm içün dahi bi’t-terâzî ta‘yîn olunan yedi guruş ki cem‘an yirmi yedi guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yirmi yedi guruşun müdde‘iye-i mezbûreye edâsıyla mezbûr Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 13 min-Ca sene 1206