Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 671 Hüküm no: 1081 Orijinal metin no: [88b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sava v. İstamat’ın kefaletten doğan borcunu ödemesi Ma‘rûz; Medîne-i Üsküdar’a tâbi‘ Kādı karyesinde mütemekkin Varsam v. İsteyan nâm zimmî mahfil-i bâbda meclis-i şer‘-i hatîrde Sava v. İstamat zimmî muvâcehesinde merkūm Sava zimmî târih-i i‘lâmdan bir buçuk sene mukaddem gāib ani’l-meclis Dimitraki zimmî zimmetinde yedimden iştirâ eylediği bârgir semeninden bākī on beş guruş alacak hakkıma tarafeynden bi’l-emr ve’l-kabûl kefîl ve dâmin olmağla meblağ-ı bâkī-i merkūm on beş guruşu kefâletine binâen hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on beş guruşun bi-hükmi’l-kefâle edâsıyla merkūm Sava zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 27 min-Ca sene 1206