Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 672 Hüküm no: 1082 Orijinal metin no: [89a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mahmud’un Seyyid Ali’nin evini kurşunladığı yolundaki iddiasını ispatlayamadığı Ma‘rûz; Medîne-i Üsküdar’da Hasanağa mahallesinde sâkin Mustafa b. Mahmud nâm kimesne medîne-i mezbûrede mahfil-i bâbda meclis-i şer‘-i hatîrde es-Seyyid Ali b. Bekir nâm kimesne mahzarında mezbûr es-Seyyid Ali târih-i i‘lâm gecesi mahalle-i mezbûrede vâki‘ menzilim önünde tüfenk sıkıp kurşunu penceremden içeriye isâbet edip bana âr lâhık olmağla mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr es-Seyyid Ali gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr es-Seyyid Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 27 min-Ca sene 1206