Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 675 Hüküm no: 1087 Orijinal metin no: [89a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Canbaz Mehmed Emin ile Panço v. Yani’nin aralarındaki alacak verecek davasında sulh oldukları Ma‘rûz; Medîne-i Üsküdar’da Atpazarı’nda Canbaz Mehmed Emin b. Mustafa meclis-i şer‘-i hatîrde Panço v. Yani nâm zimmî muvâcehesinde merkūm Panço zimmî târih-i i‘lâmdan bir ay mukaddem yedimden iştirâ ve kabz eylediği bir re’s kısrak semeninden on altı guruş hakkımın bir guruşunu yedinden ahz ve on beş guruş zimmetinde bâkī kalmağla taleb ederim deyü eylediği da‘vâsından bâ-tavassut-ı muslihîn on guruş bedel-i makbûza merkūm Panço zimmî ile sulh olup ziyâde müdde‘âsı olan beş guruşa ve bi’l-cümle husûs-ı mezkûra müte‘allika âmme-i de‘âvîden merkūm Panço zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 21 min-Ca sene 1206