Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 677 Hüküm no: 1091 Orijinal metin no: [89b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bekir b. Mustafa’nın alacaklı olduğu iddiasına itibar edilmediği Ma‘rûz; Medîne-i Üsküdar’da Atpazarı’nda Boyacıoğlu Hanı’nda sâkin Bekir b. el-Hâc Mustafa nâm kimesne mahfil-i bâbda meclis-i şer‘-i hatîrde hân-ı mezkûrun Hancısı Kirkor v. Erut zimmî muvâcehesinde merkūm Kirkor zimmî târih-i i‘lâmdan bir gün mukaddem hân-ı mezkûrda merbût emlâkimden bir re’s doru bârgirimi iznim olmaksızın elli guruş semen-i makbûza fuzûlî âhara bey‘ ve bârgir-i merkūmu yine iştirâ eden kimesneden ahz edip lâkin yirmi beş guruş rahnem olmağla meblağ-ı merkūm yirmi beş guruşu merkūm Kirkor zimmîden taleb ederim deyü eylediği da‘vâsı mesmû‘a olmadığı bi’l-iltimâs huzûr-ı âlîlerine i‘lâm olundu. Fî 5 min-C sene 1206