Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 677 Hüküm no: 1092 Orijinal metin no: [89b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. Mehmed’in emanet bıraktığı atını kaybeden Hancı Ali ile elli kuruş karşılığında sulh olduğu Ma‘rûz; Vilâyet-i Anadolu’da Amasya sancağında Zeytun kazâsı ahâlisinden Hüseyin b. Mehmed medîne-i Üsküdar’da mahfil-i bâbda meclis-i şer‘-i hatîrde Kahveci Ali b. Abdullah tarafından vekîl olduğu Mustafa b. Ali ve Mehmed b. el-Hâc İbrahim nâm kimesneler şehâdetleriyle sâbit olan Kethudâ İbrahim Ağa b. Bekir mahzarında müvekkil-i mezbûr Ali hancı olmakla bundan akdem emlâkimden doksan beş guruş kıymetli bir re’s doru bârgirimi hanına rabt içün yedine teslîm edip hâlâ zâyi‘ olmağla kıymet-i mezkûresini taleb ederim deyü eylediği da‘vâsından elli guruş bedel-i makbûza bâ-tavassut-ı muslihîn müvekkil-i merkūm Ali ile sulh olup ziyâde müdde‘âsına ve bârgir-i merkūma ve kıymetine müte‘allika âmme-i de‘âvîden müvekkil-i merkūm Ali’nin zimmetini ibrâ ve ıskāt ol dahi bedel-i sulh-ı merkūma müte‘allika âmme-i de‘âvîden müdde‘î-i merkūmun zimmetini ibrâ ve ıskāt ve her biri âharın ibrâsını kabûl eyledik [eyleyip] beynleri ıslâh olunduğu bi’l-iltimâs huzûr-ı âlîlerine i‘lâm olundu. Fî 8 min-C sene 1206