Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 679 Hüküm no: 1096 Orijinal metin no: [90a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Değirmenci Süleyman’ın Ahmed ile bedeli karşılığında sulh olduğu Ma‘rûz; Medîne-i Üsküdar’da Balaban İskelesi’nde vâki‘ ekmekci fırınında sâkin ve ber-vech-i âtî bıçak yarasıyla mecrûh idiği bundan akdem lede’l-keşf ve’l-mu‘âyene zâhir olan Değirmenci Süleyman b. Veli mahfil-i bâbda meclis-i şer‘-i hatîrde Ahmed b. Mehmed mahzarında mezbûr Ahmed târih-i i‘lâmdan üç gün mukaddem ba‘de’z-zuhr fırın-ı mezkûrda bi-gayrı hakkın amden bıçak ile sol kolum zirâ‘ı üzerine darb ve cerh etmekle mûcib-i şer‘îsini taleb ederim deyü eylediği da‘vâsından bâ-tavassut-ı muslihîn otuz iki guruş bir rub‘ bedel-i makbûz mukābelesinde mezbûr Ahmed ile sulh olup cerh-i mezkûra ve mâ-yuhdesü minhe müte‘allika âmme-i de‘âvîden mezbûr Ahmed’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 min-C sene 1206