Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 679 Hüküm no: 1097 Orijinal metin no: [90a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdi Ağa’nın borcunu ödemesi Ma‘rûz; Medîne-i Üsküdar’da Ayazma mahallesinde sâkin el-Hâc Hasan b. Süleyman medîne-i mezbûrede meclis-i şer‘-i hatîrde es-Seyyid Abdi Ağa b. Mehmed nâm kimesne mahzarında mezbûr es-Seyyid Abdi Ağa bundan akdem yedimden istidâne ve kabz eylediği bin üç yüz altmış guruş hakkımın bin iki yüz elli guruşunu yedinden ahz ü istifâ ve bâkī kalan yüz on guruşun bi’r-rızâ elli guruşunu hatt ü tenzîl edip mâ‘adâ altmış guruşunu taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihi meblağ-ı bâkī-i merkūm altmış guruşun edâsıyla mezbûr es-Seyyid Abdi Ağa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 9 min-C sene 1206