Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 681 Hüküm no: 1101 Orijinal metin no: [90a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muhâlaa yoluyla boşandığı kocasının mehrini vermediği iddiasıyla Ünzile bt. Mahmud’un açtığı davaya itibar edilmediği Ma‘rûz; Medîne-i Üsküdar’da Şücâbağı mahallesinde sâkine mu‘arrefetü’z-zât Ünzile bt. Mahmud nâm hatun meclis-i şer‘-i hatîrde zevc-i sâbıkı es-Seyyid İbrahim b. Hasan nâm kimesne mahzarında târih-i i‘lâmdan dört sene mukaddem mezbûr es-Seyyid İbrahim zevcim olup beynimizde hüsn-i mu‘âşeretimiz olmamağla ben hul‘a tâlibe olduğum ecilden zimmetinde mütekarrir on beş guruş mehr-i müeccelim üzerine muhâla‘a-i sahîha-i şer‘iye ile hul‘ olduğumda ol dahi ber-vech-i muharrer hul‘ı ba‘de’l-kabûl hukūk-ı zevciyete müte‘allika âmme-i de‘âvîden mezbûr es-Seyyid İbrahim’in zimmetini ibrâ ve ıskāt ol dahi ibrâmı kabûl etmiş idi hâlâ mehr-i meblağ-ı mezkûr on beş guruşu taleb ederim deyü takrîr-i meşrûhu üzere tasaddî eylediği da‘vâsına iltifât olunmayıp mezbûr es-Seyyid İbrahim’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 min-Ca sene 1206