Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 682 Hüküm no: 1104 Orijinal metin no: [90b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hafız Mehmed Ağa’nın satın aldığı at yüzünden çıkan anlaşmazlığın giderildiği Ma‘rûz; Medîne-i Üsküdar’da Dârüssa‘âdeağası Çeşmesi kurbünde sâkin Hafız Mehmed Ağa b. el-Hâc Hasan mahfil-i bâbda meclis-i şer‘-i hatîrde Mehmed Emin b. Mustafa mahzarında mezbûr Mehmed Emin târih-i i‘lâmdan iki gün mukaddem emlâkinden bir re’s al atını bana otuz sekiz guruşa bey‘ u teslîm ben dahi iştirâ ve kabz etmiş idim lâkin mezbûr Mehmed Emin hîn-i bey‘de beni tağrîr etmekle bey‘-i mezkûr tağrîr-i gabn-ı fâhişle olmağla mebî‘-i mezkûru redd ve semen-i mezkûru istirdâd ederim deyü da‘vâ ve beynlerinde ba‘de-vukû‘ı’l-münâza‘a bâ-tavassut-ı muslihîn mezbûr Mehmed Emin zikr olunan atı semen-i evvelinden on guruş tenzîliyle kabûl ve semeni olan yirmi sekiz guruşu müdde‘î-i mezbûra edâ ve teslîme ta‘ahhüd ve bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 13 min-C sene 1206