Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 683 Hüküm no: 1105 Orijinal metin no: [90b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım’ın alacaklı olduğu yolundaki iddiasını ispatlayamadığı Ma‘rûz; Medîne-i Üsküdar’da Bulgurlu mahallesinde sâkin mu‘arrefetü’z-zât Ümmügülsüm bt. Ömer nâm hatun medîne-i mezbûrede mahfil-i bâbda meclis-i şer‘-i hatîrde kayınvâlidesi kezâlik zâtı mu‘arrefe Nefise bt. el-Hâc Halil nâm hatun [mahzarında] târih-i i‘lâmdan dört sene mukaddem mezbûre Nefise Hatun yedimden istidâne ve kabz ve umûruna sarfla istihlâk eylediği yüz guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādire olamayıp talebiyle mezbûre Nefise Hatun gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda mezbûre Nefise Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 18 min-C sene 1206