Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 686 Hüküm no: 1111 Orijinal metin no: [91a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kahveci Mehmed Ağa’nın hibe ettiği bıçağı geri almak üzere açtığı davanın reddedildiği Ma‘rûz; Medîne-i Üsküdar’da Büyükiskele kurbünde Kahveci Mehmed Ağa b. Hüseyin nâm kimesne medîne-i mezbûrede mahfil-i bâbda meclis-i şer‘-i hatîrde Mustafa Ağa b. İbrahim mahzarında târih-i i‘lâmdan dört sene mukaddem vilâyet-i Rumeli’nde Baş kazâsında emlâkimden seksen guruş kıymetli bir aded sîmli yatağan bıçağımı mezbûr Mustafa Ağa’ya hibe ve teslîm edip lâkin hibemden rücû‘ etmemle zikr olunan bıçağı taleb ederim deyü da‘vâ ol dahi ber-vech-i muharrer ahz ü istihlâk etmiş idim deyü eylediği def‘ini müdde‘î-i mezbûr ikrâr etmeğin müdde‘î-i mezbûrun ba‘de’l-istihlâk rücû‘u meşrû‘a olmadığından müdde‘î-i mezbûr Mehmed Ağa’nın mezbûr Mustafa Ağa’ya bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 28 min-C sene 1206