Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 688 Hüküm no: 1114 Orijinal metin no: [91b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Panayot Nasraniye’nin Matoteste Nasraniye’nin elindeki gerdanlıkta hak iddia edemeyeceği Ma‘rûz; Mahmiye-i İslâmbol’da Kiremid mahallesinde mütemekkine ve şahsı mu‘arrefe Panayot bt. İsperkant nâm Nasrâniye medîne-i Üsküdar’da mahfil-i bâbda meclis-i şer‘-i hatîrde kezâlik şahsı mu‘arrefe Matoteste bt. Praşkova nâm Nasrâniye muvâcehesinde târih-i i‘lâmdan bir sene mukaddem emlâkimden elli guruş kıymetli bir gerdâniyemi ta‘mîr etdirmek içün bundan akdem katîlen hâlik olan Mihal nâm zimmî yedine teslîm ve kable’l-ahz hâlik olup lâkin merkūme Matoteste Nasrâniye katîl-i merkūmun hîn-i helâkinde menzilinde hizmet etmekle hâlik-i merkūmun esvâbını tathîr ederken merkūme Matoteste Nasrâniye hâlik-i merkūmun entarisi cebinde bir aded gerdâniye bulup istihlâk eylediği mesmû‘um olup câiz ki benim hâlik-i merkūma medfû‘um olan gerdâniye-i evvele binâen alâ-zâlik kıymet-i mezkûresini mersûme Matoteste Nasrâniye’den taleb ederim deyü takrîr-i meşrûhası üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 25 min-Ca sene 1206