Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 689 Hüküm no: 1116 Orijinal metin no: [91b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Pavli’nin Veli Ağa hakkında açtığı davanın geçerli olmadığı Ma‘rûz; Medîne-i Üsküdar’da Mirâhor mahallesinde Bakkāl Pavli v. Todori nâm zimmî medîne-i mezbûrede mahfil-i bâbda meclis-i şer‘-i hatîrde Veli Ağa b. Mehmed mahzarında târih-i i‘lâmdan bir sene mukaddem mezbûr Veli Ağa’nın eniştesi müteveffâ Mehmed Emin Ağa’ya izâfetle mezbûr Veli Ağa’nın yediyle irsâl eylediğim vezn ve fiyâtı beynimizde ma‘lûm ecnâs-ı zehâir semeninden altmış yedi buçuk guruş müteveffâ-yı mezbûr zimmetinde hakkım olup meblağ-ı merkūm altmış yedi buçuk guruşluk zehâiri mezbûr Veli Ağa’nın yediyle irsâl eylediğime binâen mezbûr Veli Ağa’dan taleb ederim deyü müdde‘î-i merkūmun ber-vech-i muharrer tasaddî eylediği da‘vâ-yı gayr-ı meşrû‘asına iltifât olunmayıp mezbûr Veli Ağa’ya suâl dahi teveccüh etmediği bi’l-iltimâs huzûr-ı âlîlerine i‘lâm olundu. Fî 27 min-C sene 1206