Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 692 Hüküm no: 1121 Orijinal metin no: [92a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep Hanım’ın boşandığı kocasındaki alacağını tahsil ettiği Ma‘rûz; Medîne-i Üsküdar’da [Üsküdar’a] muzâfe Kartal nâhiyesine tâbi‘ Başıbüyüklü karyesinde sâkine ve zâtı mu‘arrefe Zeyneb bt. İbrahim nâm hatun medîne-i Üsküdar’da mahfil-i bâbda meclis-i şer‘-i hatîrde zevc-i sâbıkı Feyzullah b. Mustafa tarafından ber-vech-i âtî tasdîka vekîli Üsküdar Ustası el-Hâc Ali Ağa b. Mehmed mahzarında müvekkil-i mezbûr Feyzullah târih-i i‘lâmdan bir ay mukaddem yedimden bâ-temessük istidâne ve kabz ve umûruna sarfla istihlâk eylediği yüz yirmi guruş hakkımın yirmi guruşunu yedinden ahz ve yüz guruşu zimmetinde bâkī kalmağla taleb ederim deyü eylediği da‘vâsından bâ-tavassut-ı muslihîn altmış guruş bedel-i makbûz mukābelesinde mezbûr Feyzullah ile sulh olup ziyâde müdde‘âsı olan kırk guruşa müte‘allika âmme-i de‘âvîden zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 28 min-C sene 1206