Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 693 Hüküm no: 1125 Orijinal metin no: [92a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa’nın yerine ulaştırmak üzere aldığı parayı sahibine iadesi Ma‘rûz; Medîne-i Üsküdar’da Kefçe mahallesinde sâkine Şerife Âkıle Hanım bt. es-Seyyid Halil Efendi tarafından ber-vech-i âtî vekîl olduğu zât-ı mezbûreyi bi’l-ma‘rifeti’ş-şer‘iye ârifân el-Hâc Mehmed b. İbrahim ve el-Hâc Osman b. Mehmed nâm kimesneler şehâdetleriyle sâbit olan Hamâmî Halil Ağa b. Ahmed mahfil-i bâbda meclis-i şer‘-i hatîrde Mustafa Ağa b. Abdullah ve diğer Mustafa b. Eyüb nâm kimesneler mahzarlarında mezbûrân Mustafa Ağa ve diğer Mustafa müvekkilem mezbûrenin zevc-i sâbıkı Abdülcelil Ağa’nın hizmetinde iken mezbûr Abdülcelil Ağa’ya vermeleri’çün mezbûrân yediyle müvekkilem merkūma irsâl eylediği dört yüz seksen dört guruşun fakat üç yüz guruşunu teslîm ve bâkī yüz seksen dört guruşun doksan iki guruşu mezbûr Mustafa Ağa’nın zimmetinde ve mâ‘adâ doksan iki guruşu diğer Mustafa’nın zimmetlerinde kalmağla mezbûr diğer Mustafa meblağ-ı merkūmu müvekkilem mezbûreye redd ü teslîm edip mezbûr Mustafa Ağa edâda ta‘allül etmekle bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm doksan iki guruşun edâsıyla mezbûr Mustafa şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-C sene 1206