Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 694 Hüküm no: 1126 Orijinal metin no: [92b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rahime bt. Abdullah’ın dövdüğü Nasiha Hanım’la sulh olduğu Ma‘rûz; Medîne-i Üsküdar’da Debbâğlar mahallesinde sâkine Nasiha bt. Mehmed nâm hatun tarafından ber-vech-i âtî vekîl olduğu zât-ı mezbûreyi bi’l-ma‘rifeti’ş-şer‘iye ârifân Ahmed b. Ali ve Mehmed Said b. Ahmed nâm kimesneler şehâdetleriyle sâbit olan es-Seyyid Mehmed b. Veli nâm kimesne meclis-i şer‘-i hatîrde zâtı mu‘arrefe Rahime bt. Abdullah nâm Zenciye mahzarında mezbûre Rahime târih-i i‘lâmdan bir gün mukaddem müvekkile-i mezbûre Nasiha Hatun’u bi-gayrı hakkın menzilinde başına yumruk ile darb etmekle mûcib-i şer‘îsini bi’l-vekâle taleb ederim deyü eylediği da‘vâsından on beş guruş bedel-i makbûz mukābelesinde müvekkile-i mezbûre Nasiha Hatun ile sulh olup husûs-ı mezkûra müte‘allika âmme-i de‘âvîden mezbûre Rahime’nin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 21 min-C sene 1206