Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 694 Hüküm no: 1127 Orijinal metin no: [92b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hanım’ın Bakkal Yani’ye emanet verdiği eşyalar hakkındaki iddiasını ispatlayamadığı Ma‘rûz; Medîne-i Üsküdar’da Vâlide-i Atik mahallesinde sâkine mu‘arrefetü’z-zât Havva bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde Bakkāl Yani v. Dimitri nâm zimmî muvâcehesinde târih-i i‘lâmdan iki ay mukaddem emlâkimden beheri beşer guruşdan beş değirmi, yirmi beş guruş kıymetli hâssa tülbentimi merkūm Bakkāl Yani zimmî yedine bi-tarîki’l-emâne vaz‘ ve teslîm etmemle taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir[e] olamayıp talebiyle merkūm Bakkāl Yaka [Yani] zimmî gıbbe’t-tahlîfi’ş-şer‘î mûcebiyle müdde‘iye-i mezbûre husûs-ı mezkûrda merkūm Bakkāl Yani zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 3 min-C sene 1206