Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 695 Hüküm no: 1128 Orijinal metin no: [92b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Artin v. Ohan’ın Karabet v. Artin’deki alacakları konusunda sulh olduğu Ma‘rûz; Medîne-i Üsküdar’da Yenimahalle’de mütemekkin Artin v. Ohan nâm zimmî meclis-i şer‘-i hatîrde Karabet v. Artin muvâcehesinde merkūm Karabet zimmî zimmetinde beynimizde ma‘lûm menzil ücretinden elli iki buçuk guruşu taleb ederim deyü eylediği da‘vâsından bâ-tavassut-ı muslihîn yirmi guruş bedel-i makbûza merkūm Karabet zimmî ile sulh olup ziyâde müdde‘âsı olan otuz iki buçuk guruşa müte‘allika âmme-i de‘âvîden merkūm zimmînin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî-gurrei Receb sene 1206