Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 695 Hüküm no: 1130 Orijinal metin no: [92b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahıskalı Mehmed b. Hasan’ın alacağını tahsil ettiği Ma‘rûz; Medîne-i Üsküdar Atpazarı’nda el-Hâc Mustafa Hanı’nda misâfiren sâkin Ahıskalı Mehmed b. Hasan nâm kimesne medîne-i mezbûrede mahfil-i bâbda meclis-i şer‘-i hatîrde Za‘îm Ahmed Ağa mahzarında mezbûr Ahmed Ağa târih-i i‘lâmdan bir sene mukaddem Ahıska’da bana hizmet eyle sana bir kat esvâb ve mevâcib zuhûrunda ikrâm ederim deyü va‘ad, ben dahi bir sene kendiye hizmet etmemle ecr-i mislim mukābelesinde yedime teslîm eylediši on sekiz guruş kıymetli altı zirâ‘ çuka ve altı guruş kıymetli bir çuka cebeden ziyâde ecr-i mislim mezbûr Ahmed Ağa zimmetinde kalmağla taleb ederim deyü tasaddî eylediği da‘vâsından bā-tavassut-ı muslihîn yirmi beş guruş bedel mukābelesinde sulh olup müdde‘î-i mezbûr Mehmed ecr-i misline ve bi’l-cümle husûs-ı merkūma müte‘allika âmme-i de‘âvîden mezbûr Ahmed Ağa’nın zimmetini ibrâ ve ıskāt ol dahi ber-vech-i muharrer ibrâsını kabûl edip kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 6 min-Receb sene 1206