Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 696 Hüküm no: 1131 Orijinal metin no: [92b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm Hanım’ın borcunu ödediği Ma‘rûz; Medîne-i Üsküdar’da Sipâhpazarı’nda sâkin Halil b. İbrahim meclis-i şer‘-i hatîrde zâtı mu‘arrefe Ümmügülsüm bt. Ahmed nâm hatun mahzarında mezbûre Ümmügülsüm târih-i i‘lâmdan üç sene mukaddem yedimden istidâne ve kabz ve umûruna sarfla istihlâk eylediği otuz guruş hakkımın on beş guruşunu yedimden [yedinden ahz] ve on beş guruşu zimmetinde bâkī kalmağla taleb eylediği da‘vâsından bâ-tavassut-ı muslihîn yedi buçuk guruş bedel-i makbûz mukābelesinde mezbûre Ümmügülsüm ile sulh olup ziyâde müdde‘âsı olan yedi buçuk guruşa müte‘allika âmme-i de‘âvîden mezbûre Ümmügülsüm’ün zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 8 min-Ca sene 1206