Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 702 Hüküm no: 1141 Orijinal metin no: [93b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tayyibe Hanım’ın Ümmügülsüm Hanım’a olan borcunu ödemesi Ma‘rûz; Medîne-i Üsküdar’da Selami mahallesinde sâkine mu‘arrefetü’z-zât Ümmügülsüm bt. Ali nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Tayyibe bt. Hüseyin nâm hatun muvâcehesinde mezbûre Tayyibe Hatun târih-i i‘lâmdan iki sene mukaddem yedimden iştirâ ve kabz eylediği bir entari ve üç değirmi baş yemenisi ve iki çevre ve bir don semenlerinden otuz bir buçuk guruş hakkımın on iki guruş beş parasını yedinden ahz ve on sekiz guruş ve on beş para zimmetinde hakkım bâkī kalmağla taleb ederim deyü da‘vâ, ol dahi cevâbında müdde‘iye-i mezbûreye ber-vech-i muharrer ol-mikdâr meblağ deyni olduğunu ikrâr lâkin müdde‘iye-i mezbûre Ümmügülsüm kabzını mu‘terif[e] olduğu meblağ-ı merkūm on iki guruş beş paradan mâ‘adâ on guruş on beş para dahi yedine teslîm edip ancak sekiz guruş deynim bâkī kalmış idi deyü ziyâdeyi ba‘de’d-def‘ ve’l-inkâr dâfi‘a-i mezbûre Tayyibe ber-minvâl-i muharrer def‘ini isbâta kādire olamayıp talebiyle müdde‘iye-i mezbûre Ümmügülsüm Hatun gıbbe’t-tahlîfi’ş-şer‘î mûcebiyle meblağ-ı bâkī-i merkūm on sekiz guruş on beş parayı müdde‘iye-i mezbûreye edâ ve teslîme mezbûre Tayyibe Hatun’a tenbîh olunduğu bi’l-iltimâs huzûr-ı âlîlerine i‘lâm olundu. Fî 21 min-Ca sene 1206