Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 702 Hüküm no: 1142 Orijinal metin no: [93b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Katerina bt. İspa’nın alacaklı olduğu iddiasını ispatlayamadığı Ma‘rûz; Medîne-i Üsküdar’da Yenimahalle’de mütemekkine mu‘arrefetü’z-zât Katerina bt. İspaso nâm Nasrâniye medîne-i mezbûrede mahfil-i bâbda meclis-i şer‘-i hatîrde Yorgi v. Panayot nâm zimmî muvâcehesinde târih-i i‘lâmdan altı ay mukaddem merkūm Yorgi zimmî yedine bi-tarîki’l-emâne teslîm eylediğim on dört guruş hakkımın iki guruşunu ahz, bâkī on iki guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân ve isbât edemeyip bi’t-taleb merkūm Yorgi zimmî gıbbe’t-tahlîfi’ş-şer‘î mûcebiyle müdde‘î-i merkūm [müdde‘iye-i merkūme] husûs-ı mezkûrda merkūm Yorgi zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 29 min-C sene 1206