Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 704 Hüküm no: 1146 Orijinal metin no: [94a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa’nın küçük oğlu İbrahim’in cesedinde yara bere izine rastlanmadığı Ma‘rûz; Bi’l-iltimâs kıbel-i şer‘-i şerîfden meb‘ûs Kâtib Abdullah Efendi dâ‘îleri ve Üsküdar ustası ve sâir mazbûtü’l-esâmî Müslimîn ile medîne-i Üsküdar’da Solaksinan mahallesinde vâki‘ Saka el-Hâc Mustafa b. el-Hâc Mehmed’in sâkin olduğu menzile varıp akd-i meclis-i şer‘-i şerîf etdikde mezbûr el-Hâc Mustafa meclis-i ma‘kūd-ı mezkûrda târih-i i‘lâmdan beş gün mukaddem müteveffâ sagīr oğlum İbrahim hâzırân bi’l-meclis Mehmed b. Hüseyin ve Saliha bt. Osman nâm zevcânın sagīr oğulları Ali ile mahalle-i mezbûrede tarîk-i âmda kable’z-zuhr döğüş edip havfından nâşi vefât etmekle keşf ve mu‘âyene olunmak matlûbumdur dedikde cerrâh tâifesinden el-Hâc Ali ve sâir mazbûtü’l-esâmî kimesneler sagīr-i mezbûrun a‘zâsına nazar eylediklerinde sagīr-i mezbûr İbrahim’in a‘zâsında eser-i cerh ve hank ve kara bere misillü nesne olmayıp hatfe enfihi vefât eylediği ba‘de’l-keşf ve’l-mu‘âyene defnine izin birle vâki‘ hâli mezbûr dâ‘îleri mahâllinde ba‘de’t-tahrîr ve’l-inhâ bi’l-iltimâs huzûr-ı âlîlerine i‘lâm olundu. Fî 16 min-B sene 1206