Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 706 Hüküm no: 1149 Orijinal metin no: [94b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fuhşiyat sebebiyle tazir cezası verilmesi Ma‘rûz; Medîne-i Üsküdar’da Vâlide-i Atik mahallesinde sâkine Fatıma bt. Süleyman ve Emine bt. Yusuf ve diğer Fatıma bt. Yusuf ve diğer Fatıma bt. Abdullah nâm avratlar kendilere nâ-mahrem ve ecnebî olan mahmiye-i İslâmbol sükkânından Gurâbiyeci? es-Seyyid Hafız Mehmed b. el-Hâc Mehmed ve Hüseyin b. Abdullah nâm kimesneler ile mezbûre Fatıma’nın mahalle-i mezbûrede müstecireten sâkine olduğu menzilde mezbûrûndan her biri sekerân olup menzil-i mezkûrda icrâ-yı fısk içün cem‘ oldukları hâlde mahalle-i mezbûre Sek[bân]başısı Halil Ağa kulları ma‘rifetiyle ahz ve meclis-i şer‘a ihzâr ve her biri istintâk olunduklarında birbirilerine nâ-mahrem ve ecnebî olduklarını ikrâr ü i‘tirâf etmeleriyle mezbûrûndan her birine şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 18 min-B sene 1206