Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 707 Hüküm no: 1150 Orijinal metin no: [94b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahudi Aron’un Çubukçu Mehmed Emin Ağa’ya borcunu ödemesi Ma‘rûz; Medîne-i Üsküdar’da Hamam-ı atik kurbünde Çubukcu Mehmed Emin Ağa b. İbrahim medîne-i mezbûrede mahfil-i bâbda meclis-i şer‘-i hatîrde Aron v. Yuda nâm Yahûdî muvâcehesinde merkūm Aron Yahûdî bin iki yüz üç senesi Saferi’l-hayr’ının gurresi günü târihiyle müverrah işbu yedimde olan bir kıt‘a temessük nâtıka olduğu üzere yedimden istidâne ve kabz eylediği on dört buçuk guruş ve yine yedimden iştirâ ve kabz eylediği adedi beynimizde ma‘lûm kehribâr semeninden sekiz buçuk guruş ki cem‘an ciheteyn-i mezkûreteynden yirmi üç guruş zimmetinde hakkım olmağla taleb ederim deyü da‘vâ, ol dahi cevâbında fi’l-hakīka müdde‘î-i mezbûra cihet-i karzdan on dört buçuk guruş deyni olduğunu ikrâr ve kehribâr semeninden sekiz buçuk guruş deynini inkârından mâ‘adâ mukırr olduğu meblağ-ı merkūm on dört buçuk guruşun iki buçuk guruşunu müdde‘î-i mezbûra edâ ve teslîm etmiş idim deyü ziyâdeyi ba‘de’d-def‘ ve’l-inkâr müdde‘iyân-ı mezbûrândan her biri ber-vech-i muharrer müdde‘âlarını beyândan izhâr-ı acz edip talebleriyle her biri tahlîf olundukdan sonra müdde‘î-i mezbûr Mehmed Emin Ağa kehribâr semeninden sekiz buçuk guruş mutâlebesiyle bilâ-beyyine mu‘ârazadan ba‘de’l-men‘ mûcebiyle meblağ-ı merkūm on dört buçuk guruşu müdde‘î-i mezbûr Mehmed Emin Ağa’ya edâ ve teslîme merkūm Aron Yahûdî’ye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 9 min-B sene 1206