Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 708 Hüküm no: 1152 Orijinal metin no: [94b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hasanın Anderya v. Tanaş’a olan borcunu ödediği Ma‘rûz; Medîne-i Üsküdar’a tâbi‘ İstavros karyesinde mütemekkin Anderya v. Tanaş nâm zimmî meclis-i şer‘-i hatîrde Mehmed b. Hasan mahzarında mezbûr Mehmed’in iki buçuk sene mukaddem karye-i mezbûrede vâki‘ bir bâb menzilini ta‘mîr edip ve menzil-i mezkûra emriyle işbu hâzır bi’l-meclis Karabet v. Rado nâm zimmîden kırk beş guruşluk doğrama iştirâ ve mezbûr Mehmed’e teslîm etmemle hâlâ meblağ-ı merkūm kırk beş guruş zimmetinde olmağla taleb ederim deyü da‘vâ ve mezbûr Mehmed cevâbında ol-mikdâr doğrama semeninden deyni olduğu[nu] ikrâr lâkin bundan akdem müdde‘î-i merkūm menzil-i mezkûr ta‘mîrâtından ve doğrama ve sâir masrûfâtından benim ile kırk bir guruş bedel-i makbûza sulh olup ziyâde masrûfâtına ve bi’l-cümle husûs-ı mezkûra müte‘allika âmme-i de‘âvîden benim zimmetimi ibrâ ve ıskāt ben dahi ibrâsını kabûl etmiş idim deyü bir kıt‘a ibrâ i‘lâmı ibrâzıyla ba‘de’d-def‘ ve’l-inkâr mezbûr Mehmed def‘-i mezkûrunu udûlden es-Seyyid Mustafa Ağa b. Hasan ve Mustafa b. Abdullah nâm kimesneler şehâdetleriyle vech-i şer‘î üzere muvâcehesinde isbât etmeğin mûcebiyle müdde‘î-i merkūm Anderya zimmî husûs-ı mezkûrda mezbûr Mehmed’e bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-B sene 1206