Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 708 Hüküm no: 1153 Orijinal metin no: [95a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed’in alacaklı olduğunu ispatlayamadığı Ma‘rûz; Medîne-i Üsküdar’da Selami mahallesinde sâkin Kasab Mehmed b. Mustafa mahfil-i bâbda meclis-i şer‘-i hatîrde el-Hâc Ali b. Ali mahzarında mezbûr el-Hâc Ali târih-i i‘lâmdan dört sene mukaddem yedimden iştirâ ve kabz eylediği fiyâtı beynimizde ma‘lûm yetmiş aded kuzu tulumu semeninden yirmi dört guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûr el-Hâc Ali gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr el-Hâc Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 19 min-B sene 1206