Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 709 Hüküm no: 1154 Orijinal metin no: [95a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Namahrem oldukları halde bir arada yakalananlara tazir cezası verilmesi Ma‘rûz; Medîne-i Üsküdar’da Atpazarı’nda vâki‘ Reisoğlu Hân’ı odasında Halil b. Abdullah ve İbrahim b. Abdullah nâm kimesneler kendilere nâ-mahrem ve ecnebî olan Cemile bt. Mehmed ve Fatıma bt. Abdullah nâm avratlar târih-i i‘lâm gecesi icrâ-yı fısk içün cem‘ oldukları hâlde Üsküdar Kolluğu Alemdarı ma‘rifetiyle ahz ve meclis-i şer‘a ihzâr ve istintâk olunduklarında mezbûrûndan her biri âhara nâ-mahrem olup oda-i mezbûrede ahz olunduklarını ikrâr ve mezbûrûndan her birine ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 16 min-B sene 1206