Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 709 Hüküm no: 1155 Orijinal metin no: [95a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Sadullah’ın alacaklı olduğunu ispatlayamadığı Ma‘rûz; Medîne-i Üsküdar’da Ayazma mahallesi Câmi‘i İmâmı Şeyh Feyzullah Efendi b. Ahmed tarafından ber-vech-i âtî vekîl olduğu el-Hâc Mehmed b. İbrahim ve es-Seyyid Abdullah b. Mehmed nâm kimesneler şehâdetleriyle sâbit olan sulbî kebîr oğlu es-Seyyid Sadullah meclis-i şer‘-i hatîrde Hafız es-Seyyid İbrahim b. Bekir mahzarında babam müvekkil-i mezbûrun medîne-i mezbûrede Hacce Hatun mahallesinde vâki‘ bir bâb vakıf menzilinde beher şehr yüz para ücret ile müsteciresi olan gāibetü [ani’l-meclis] Hadice bt. ( ) Hatun zimmetinde menzil ücretinden dört sene ve üç ayda müctemi‘a olan yüz yirmi yedi buçuk guruşa mezbûr Hafız es-Seyyid İbrahim kefîl olmağla kefâletine binâen meblağ-ı merkūm yüz yirmi yedi buçuk guruşu bi’l-vekâle taleb ederim deyü ba‘de’d-da‘vâ ve’l-inkâr müdde‘î-i vekîl-i mezbûr müdde‘âsını beyândan acz birle bi’t-taleb mezbûr es-Seyyid İbrahim Efendi gıbbe’t-tahlîfi’ş-şer‘î mûcebiyle müdde‘î-i vekîl-i mezbûr da‘vâ-yı mezkûresiyle mezbûr Hafız es-Seyyid İbrahim Efendi’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî [16 min-B sene 1206]