Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 710 Hüküm no: 1158 Orijinal metin no: [95a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Abdullah’ın boşadığı eşine mehrini ödemesi Ma‘rûz; Medîne-i Üsküdar’da Solaksinan mahallesinde sâkine ve zâtı mu‘arrefe Fatıma bt. Abdurrahman nâm hatun meclis-i şer‘-i hatîrde zevc-i mutallıkı Ali b. Abdullah mahzarında mezbûr Ali on guruş mehr-i müeccel tesmiyesiyle zevce-i medhûlün-bihâm iken târih-i i‘lâmdan beş ay mukaddem beni tatlîk etmekle zimmetinde mütekarrir ve ve ma‘kūdun-aleyh olan on guruş mehr-i müeccelimi taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm on guruşun edâsıyla mezbûr Ali şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-B sene 1206