Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 711 Hüküm no: 1160 Orijinal metin no: [95a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Namahrem oldukları halde bir arada yakalananlara tazir cezası verilmesi Ma‘rûz; Medîne-i Üsküdar’da Selmanağa mahallesinde sâkin es-Seyyid Ahmed b. İbrahim nâm kimesne kendiye nâ-mahrem ve ecnebiyeler olan Ümmügülsüm bt. İbrahim ve Nefise bt. Abdullah nâm avratlar ile menzilinde icrâ-yı fısk içün cem‘ oldukları hâlde medîne-i mezbûrede Büyükkolluk alemdarı ma‘rifetiyle ahz ve meclis-i şer‘a ihzâr ve istintâk olunduklarında târih-i i‘lâm günü menzil-i mezkûrda icrâ-yı fısk içün cem‘ oldukları hâlde ahz olunduklarını ikrâr etmeleriyle mûcebiyle mezbûrûndan her birine ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 16 min-Recebi’l-ferd sene 1206