Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 712 Hüküm no: 1162 Orijinal metin no: [95b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Ali’nin Seyyid Ali tarafından piştovunun çalındığı yolundaki iddiasını ispatlayamadığı Ma‘rûz; Medîne-i Üsküdar’da Sipâhpazarı kurbünde handa sâkin Hasan b. Ali nâm kimesne meclis-i şer‘-i hatîrde es-Seyyid Ali b. İsmail mahzarında mezbûr es-Seyyid Ali târih-i i‘lâmdan bir gün mukaddem odam derûnunda mevcûd yirmi sekiz guruş kıymetli bir tek sîmli piştovumu ahz etmekle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp bi’t-taleb mezbûr es-Seyyid Ali gıbbe’t-tahlîfi’ş-şer‘î mûcebiyle müdde‘î-i mezbûr husûs-ı mezkûrda mezbûr es-Seyyid Ali’ye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 10 min-B sene 1206